Pas njoftimit se prokuroria ka kërkuar arrestimin e dëshmitarit X ose i njohur ndryshe si Babale, ka reaguar kryetari demokrat Lulzim Basha.
Përmes një postimi në tuiter, Basha thotë se sot çdo shqiptar kupton përse Edi Ramës i duhej prokuroria nën komandën e tij. Njëkohësisht ai shton se tanmi nuk ka mbetur rrugë tjetër, veç rrëzimit me çdo mjet të mafias në pushtet.
Postimi
Kush priste dicka tjetër nga prokuroria Rama-Marku-Xhafa- Prela është vetëm naiv. Agron Xhafaj që i fshihej prej 5 vitesh drejtësisë me ndihmën e vëllait, u largua me urgjencë drejt Italisë, që të mos përballej me hetimin dhe akuzat që prokuroria e kapur i quan sot montim.
Sot çdo shqiptar e kupton më qartë se kurrë pse Edi Ramës i duhej prokuroria nën komandën e tij. Me aktin e sotëm Rama i ka vënë zjarrin shtetit ligjor. Tani nuk ka mbetur rrugë tjetër për të vënë banditët para përgjegjësisë përveç rrëzimit me çdo mjet të mafias në pushtet.
