Kjo javë (22-26 janar 2018) në emisionin “Opinion” ishte tepër intensive për shkak të ngjarjeve që vinin nga aktualiteti.
“Opinion” ishte i pari që trajtoj një nga temat më të nxehta në ekonomin shqiptare, falimentimin e kompanisë së naftës ARMO dhe vjedhjen e 704 milionë dollarëve, temë e cila u trajtua për dy netë me rradhë. Kështu ditën e mërkurën ka shënuar rekordin e audiencës; me 56.5% në maksimunin e saj dhe mesataren me 46.9% të audiencës. Kjo çështje u soll me një panel ekspertësh, përfaqësues të qeverisë dhe lidhje direkte me ish-administratorin e ARMO-s, Rezart Taçi dhe po ashtu biznesmeni Besnik Sulaj peraqesuesi i IRTC, që mori në administrim në shtator të vitit 2016, kompaninë Armo.
Për dy ditë me radhë ne “Opinion” u fol për këtë çështje dhe duket se interesi i audiencës ka qenë i lartë, madje me tepër se ai për “Ngacmimet seksuale në Hollywood”, ku edhe u shënua audienca më e ulët e javës për “Opinionin” me 37.3% maksimumin e audiencës dhe 31.6% audienca mesatare.
Ndërsa ditën e enjte në emision u fol për protestën e 27 janarit, ku dy liderët e opozitës Lulzim Basha dhe Monika Kryemadhi ishin në lidhje të drejtëpërdrejtë dhe u përballën me pyetje nga paneli për protestën që do të mbanin një dite më pas, edhe në atë mbrëmje është shënuar një audiencë që arriti maksimumin e saj 47.7% dhe audiencë mesatare 38.9%./ G.Z-Opinion.al
