Grave në Bangladesh nuk duhet tu kërkohet më që të deklarojnë nëse janë të virgjëra apo jo në certifikatat e martesës pas fushatave të shumta, në kërkim të të drejtave të barabarta gjinore.
Vendimi i Gjykatës së Lartë të Bangladeshit thotë se dokumenti i martesës myslimane, që quhet ndryshe ‘Kabinnama’, dhe që daton përpara se Bangladeshi të arrinte pavarësinë në 1971, me anë të të cilit femrat duhej të deklaronin nëse ishin të divorcuara, vejusha ose të virgjëra do të pësojë ndryshime.
Gjykatësit thanë se në vend të fjalës “kumari” që nënkupton “e virgjër”, duhet të vendoset një fjalë tjetër “obibahita”, e cila do të thotë “e pamartuar”.
Sipas aktivisteve të të drejtave të njeriut, kjo certifikatë ishte poshtëruese, dhe ndonjëherë ajo as nuk kërkohej nga dhëndri.
“Ne kemi paraqitur një peticion me shkrim sepse nëse dikush pyetet nëse është e virgjër apo jo, është kundër të drejtës së intimitetit të personit,” tha Ainun Nahar Siddiqua, një nga dy avokatet e përfshirë në këtë çështje./Opinion.al
