Francezët vijojnë protestat për të katërtën fundjavë radhazi në rrugët e Parisit kundër rregullave që detyrojnë çdo qytetar të jetë i vaksinuar për të pasur shërbime të ndryshme, përfshirë edhe një kafe në lokal.
Pas deklaratës së presidentit Macron për rregullat e reja, numri i qytetarëve që kërkonin vaksinën u rrit ndjeshëm, pasi aktualisht 2/3 e popullit francez rezulton se kanë marrë një dozë të vaksinës dhe 55% të dyja të nevojshmet.
Ditët e fundit Franca po regjistron mbi 21,000 raste të reja të konfirmuara të virusit, një rritje e madhe nga një muaj më parë.
Më shumë se 112,000 njerëz me virus kanë vdekur në vend që nga fillimi i pandemisë. Një ditë më parë vendi pa rritjen më të madhe të të shtruarve në terapi intensive, që arritën në 1500 persona në total, krahasuar me 1000 në dhjetëditëshin e fundit.
