Policia ka ndaluar një 34-vjeçar, që dyshohet se dogji me lëndë djegëse, 2 automjete në mars të këtij viti.
Sipas uniformave blu, ky 34-vjeçar ishte i dënuar më parë për tentativë për vrasje.
“Komisariati i Policisë Cërrik, në zbatim të masave të përcaktuara në planin operacional “Sundimi i ligjit”, për kapjen e shtetasve në kërkim, bazuar në inteligjencën informative, ndaloi shtetasin në kërkim I. F., 34 vjeç, banues në Cërrik.
Nga veprimet hetimore dyshohet se 34-vjeçari, më datë 06.03.2024, gjatë natës, në lagjen nr. 1, për motive të dobëta, ka djegur me lëndë djegëse, 2 automjete të parkuara, në pronësi të shtetasve A. B. dhe J. B.”, njofton policia.
Materialet i kaluan Prokurorisë, për veprime të mëtejshme.
