Kryeministri Edi Rama mbajti sot një fjalim në ceremoninë e ndarjes së çmimit ndërkombëtar “Karlspreis – Karli i Madh”.
Gjatë fjalës së tij, Rama tha se të drejtat dhe liritë e qytetarëve shqiptarë garantohen vetëm përmes BE-së, për këtë arsye ai theksoi se edhe plani B që ka Shqipëria, është anëtarësimi në BE.
”Ajo që dua të them është se nuk jam i lumtur kur shoh të rij që nuk e kuptojnë se sa e rëndësishme është politika dhe që e duke e skartuar politikën mendojnë se ikin asaj. Është një iluzion të besoj se nëse rri jashtë saj nuk do prekesh nga ajo. Sa më shumë të qëndrosh larg saj aq më të mëdha janë shanset për tu prekur negativisht prej saj, sepse ajo ka të bëjë me pjesëmarrjen jo me profesionin. Ka të bëjë me angazhimin si qytetar të angazhohesh si dikush që kujdese për të drejtat e tij dhe të saj.
Dhe pse jam kaq i fiksuar për ta çuar Shqipërinë në BE, deri sa ne të shkojmë në BE ka gjëra që nuk do jenë të sigurta, ndaj kur më pyesin ç plan B ka Shqipëria, i them që nuk ka plan B përkundrejt lirive individuale. Dhe nëse doni të negocioni lirinë tuaj atëherë hiqni dorë nga BE. Nuk ka plan B kundrejt shteti të së drejtës dhe të qenit të barabartë para ligjit. Barazia para ligjit garantohet vetëm nëse je pjesë e BE-së”, tha Rama.
