Policia ka kthyer më shumë se 200 persona që prej ditës së djeshme kanë tentuar të hyjnë në Shqipëri nga Kakavija, për meshën dhe ceremoninë e 40-ave të Konstandinos Kacifas. Sipas informacioneve personat e kthyer janë të gjithë shtetas grekë, ndërkohë që ka pasur persona të tjerë që janë konsideruar të rrezikshëm nga policia e Kakavijës dhe që janë marrë për verifikim në Komisariat. Fora të shumta policie qëndrojnë edhe përgjatë rrugës rrugës Gjirokastër-Kakavijë duke ushtruar kontrolle të rrepta të autobusëve apo mjeteve të tjera që hyjnë nga Greqia, pas informacioneve se mes tyre mund të ketë edhe ekstremistë.
Sot në Bularat do të ketë një meshë për Kacifas sipas traditës ortodokse dhe më pas nderime tek varrezat. Pritet gjithashtu që për nder të Kacifas në zonën e Bularatit të mbahen edhe një tubim. Kujtojmë se prej gati një muaji, mediat greke online kanë shpërndarë njoftimet mbi organizimin e udhëtimit të atyre që duan të jenë pjesë e kësaj ceremonie. Kacifas, u vra pas disa orëve që qëllonte me armë në drejtim të forcave të policisë shqiptare më 28 tetor
Ndërkohë në Gjirokastër sot do të ketë një tjetër tubim të patriotëve shqiptarë, të cilët kërkojnë të përkujtojnë shqiptarët e vrarë gjatë këtyre ditëve në Greqi.
Bëhet me dije se policia ka dhëne leje për këtë tubim paqësor të shoqatës së patriotëvëe shqiptarë në sheshin e Çerçizit prej orës 11:00 deri në orën 13:00, ndërkohë që organizatorët kërkojnë ta zhvendosin tubimin në zonen qe njihet si “Ura e lumit” duke hyrë në rrugën nacionale. / Opinion.al
