Mbrëmjen e sotme pritet të zhvillohen ndeshjet e kthimit në fazën çerekfinale të Europa Leagues.
Ndeshja kryesore do të zhvillohet në Old Trafford, ku Manchester United do të pres Anderlechtin, pas barazimit 1:1 një javë më parë.
Ndeshje tjetër interesante do të jetë edhe ajo ndërmjet Besiktasit dhe Lyonit, e cila javën e kaluar shkaktoi trazira ndërmjet tifozëve. UEFA ka vendosur ti dënojë dy skuadrat me përjashtim nga Kupat e Europës, nëse tifozët e tyre përsërisin atë që ndodhi në ndeshjen e 13 prillit, si dhe janë gjobitur gjithashtu me nga 100 mijë euro, si pasojë e përplasjeve mes dy tifozerive përpara fillimit të ndeshjes.
Në dy takimet tjera takohen Schalke – Ajax dhe Genk – Celta Vigo.
Kujtojmë se të gjitha këto takime zhvillohen nga ora 21:05.
