-U tha në Opinion

Ceno: Në Gjermani ka 1500 mjekë të ardhur nga Shqipëria 10 vitet e fundit


Bëhu pjesë e Grupit Zyrtar të Opinion.al
>> KËTU <<
               Publikuar në : 22:16 - 02/02/21 |
el ida

Mjekja Marsela Ceno, themeluese dhe kryetare e Shoqatës së Mjekëve Shqiptarë në Gjermani, tha se sipas të dhënave jozyrtare janë të paktën 1500 mjekë  nga Shqipëria që  punojnë në Gjermani. Gjatë një lidhjeje në emisionin “Opinion”, ajo u shpreh se këta mjekë janë shpërngulur atje në 10 vitet e fundit.

Ceno u shpreh se shqiptarët nuk janë të parët nga mjekët e huaj atje, ndërsa pohoi se në Gjermani dominojnë mjekët nga Rumania dhe Serbia e së fundi po kthehet në trend edhe ardhja e mjekëve nga vendet e Lindjes së Mesme.

“Të parët në Gjermani janë mjekët e Rumanisë dhe Serbisë, por tashmë po shtohet edhe numri i atyre që vijnë nga Lindja e Mesme”, tha Ceno.

Pjesë nga biseda në studio

Fevziu: Eksodi i mjekëve është më i ndjeshëm dhe më i prekshëm, çfarë po ndodh me mjekët shqiptarë në Gjermani?

Ceno: Shifrat jo zyrtare flasin për 1500 mjekë shqiptarë në Gjermani, duke filluar nga viti 2010- 2011.

Fevziu: Sa mjekë ka Shqipëria për momentin?

Ceno: Unë nuk mund të them shifrën e saktë, por mund të them që çdo vit në Fakultetin e Mjekësisë diplomohen, 150-200 mjekë./Opinion.al

 

Pas