Kryeministri Edi Rama po mban një konferencë për mediat me homologun e Luksemburgut, Xavier Bettel, i cilin ndodhet në një vizitë zyrtare në Shqipëri.
Gjatë fjalës së tij kreu i qeverisë shqiptare tha se ai ka qenë ndër mbështetësit më të mëdhenj të Shqipërisë dhe Maqedonisë të Veriut për çeljen e negociatave.
“Një mik i çmuar jo sepse fjalët e bukur duhen thënë pasi i kërkon politesa e rastit, por sepse Luksemburgu dhe kryeministri personalisht kanë qenë ndër mbështetësit më të zëshëm të Shqipërisë dhe Maqedonisë për çeljen e negociatave. E falënderova përsëri dhe dua ta falënderoj publikisht për faktin se në të gjitha instancat, kryeministri ka qenë avokat i ynë kur nuk kemi qenë të pranishëm. Më vjen mirë që kjo vizitë përkon me një vit të veçantë të historisë tonë me Luksemburgut, 100 vjet nga njohja që ky shtet i bëri Shqipërisë. Kemi folur për vijimësinë në BE, dhe kemi diskutuar edhe për marrëdhëniet bileterale.”, tha Rama.
