Presidentja e Kosovës, Vjosa Osmani, ka përgëzuar Shqipërinë për çeljen e kapitujve të anëtarësimit në BE.
Përmes një postimi në rrjete sociale, Osmani shkruan se kjo ngjarje e sjell Shqipërinë një hap më afër një të ardhmeje të ndritur e të begatë.
Osmani thekson se Shqipëria, Kosova dhe vendet e tjera demokratike në rajon, duhet të vazhdojnë të përparojnë në rrugët e tyre drejt BE-së.
“Urime Shqipërisë për arritjen e një momenti të rëndësishëm në rrugëtimin e saj drejt anëtarësimit në BE! Hapja e kapitujve të anëtarësimit në BE e sjell Shqipërinë një hap më pranë një të ardhmeje më të ndritshme dhe më të begatë për të gjithë qytetarët e saj.
Shqipëria, Kosova dhe vendet e tjera demokratike në rajonin tonë duhet të vazhdojnë të përparojnë në rrugët e tyre drejt BE-së, e cila është thelbësore për sigurimin e paqes dhe stabilitetit të qëndrueshëm – jo vetëm për rajonin, por për të gjithë Evropën”, shkruan Osmani.
