KQZ ka marrë vendimin sa i takon regjistrimit të Partisë Demokratike në zgjedhjet e 14 Majit.
Të dyja grupimet brenda Partisë Demokratike, grupi që drejtohet nga Sali Berisha dhe ai që drejtohet nga Enkelejd Alibeaj kanë dorëzuar dokumentacionin për tu regjistruar në zgjedhje.
Në fjalën e tij Celibashi tha se nuk është KQZ, institucioni që vendos se kush e drejton një parti politike, por gjykata.
“Jemi dakort nuk vendos KQZ se kush e drejton një parti politike dhe për sa kohë KQZ nuk vendos e merr informacionin nga një palë e tretë. Është gjykata dhe një dokument që vjen nga gjykata që përcakton se kush e drejton një parti politike. Në nenin 9 të ligjit për partitë politike thuhet se regjistrimi i partive bëhet në shkallën e parë të rrethit Tiranë që mban edhe regjistrin e partive politike. Anëtarësia e një partie politike mund të njohin për drejtues të një partie këdo që ata çmojnë dhe vlerësojnë, por për ligjin dhe institucionet publike, përfshi edhe KQZ-në, ajo që merret në referencë është dokumenti zyrtar.”-tha Celibashi.
Celiabshi theksoi se të drejtën për të regjistruar PD bazuar në dokumentet zyrtare e ka zoti Lulzim Basha. Sipas Celibashit ai figuron kryetar ne dokumentacionin që ka KQZ.
“Të drejtën për të regjistruar PD-në, bazuar në dokumentet zyrtare që i janë vënë KQZ-së e ka Lulzim Basha. Ai figuron kryetar i PD-së”-tha Celibashi.
