Në një konferencë për mediat të zhvilluar këtë të martë kryekomisioneri Ilirjan Celibashi bëri të ditur se KQZ ka gati aplikacionin për zgjedhjet e 14 Majit.
Gjatë fjalës së tij Celibashi theksoi se ajo ç’ka e bën të dallueshëm këtë aplikacion nga herët e tjera është se është shtuar opsioni i përdorimit të tij edhe nga anëtarët e komisioneve të zonave të administrimit zgjedhor dhe nga anëtarët e qendrave të votimit. Sipas Celibashit tani gjithsecili është i liri të ngarkojë informacionin dhe problematikën që ai konstaton gjatë procesit zgjedhor.
“Kemi patur dhe më përpara. Ajo ç’ka e bën të dallueshëm është mënyra e ofrimit të informacionit, që këtë herë është i ndryshëm. Ajo ç’ka është e shtuar është opsioni i përdorimit të tyre edhe nga anëtarët e komisioneve të zonave të administrimit zgjedhor dhe nga anëtarët e qendrave të votimit. Qëllimi është të krijmë një platformë komunikimi ndërmjet KQZ dhe komisionerëve. Tani gjithsecili është i lirë të ngarkojë informacionin dhe problematikën që ai konstaton”-tha Celibashi.
