Mungesa e dokumentacionit bëri që kryekomisioner Celibashi të mos regjistrojë PD e Alibeajt në zgjedhjet e 14 majit.
Celibashi theksoi se ligjërisht si kryetar i PD është Lulzim Basha dhe i njihet atij e drejta për tu regjistruar në KQZ për zgjedhjet lokale të 14 majit.
Enkelejd Alibeaj komentoi vendimin e kryekomisionerit, ndërsa gjatë intervistës televizive solli dhe shembuj që sipas tij, mund të pengonin kryetarin e një partie për të firmosur.
Alibeaj: Pyetja që kam është në cilin nen apo dispozitë është parashikuar diçka e tillë? Marrim një rast sikur një kryetar partie, sëmuret dhe bie në koma. Ç’ndodh? Partia nuk regjistrohet? A ka të tjerë persona që mund të përfaqësojnë këtë vullnet për partinë? Mesa duket o është një keqlexim i zotit Celibashi i nenit 64 ose ka një tjetër prapaskenë. Jam nënkryetar dhe në mungesë të kryetarit që ka dhënë dorëheqjen e ushtroj unë këtë detyrë dhe për këtë ka një autorizim i nënshkruar nga Basha dhe në pikën 2 thuhet: Të nënshkruajnë deklaratën në emër e për llogari të kryetarit të partisë ku përmendet zotimi për mospërfshirje në aktivitete të paligjshme. Ish kryetari i partisë para dorëheqjes dhe një autorizim drejtuar nënkryetarit që jo vetëm në procese administrative por edhe në procesin elektoral.
