Ditën e sotme Prokurori i Përgjithshëm, Olsian Çela ka raportuar në Komisionin e Ligjeve ecurinë për vitin 2020.
Gjatë fjalës së tij Çela theksoi se Gjirokastra rezulton qyteti me kriminalitetin më të lartë për vitin 2020, duke theksuar se ky qytet pati rritje të kriminalitetit me 15%.
Para deputetëve kryeprokurori tha se në vitin 2020 është vendosur pezullimi i hetimit për 9004 çështje, duke shënuar kështu ulje në krahasim me 2019, ndërkohë që janë dënuar 8022 persona, kurse 152 të tjerë rezultuan të pafajshëm.
“Në vitin që lamë pas u kryen 44 mijë procedime teksa 63,5% e çështjeve u pushuan. Për trafiqet e paligjshme pati një rënie të procedimeve në 2020, krahasuar me 2019, kurse në veçanti për narkotikët pati rritje me 17.8%. Në 2020 Gjirokastra është qyteti me kriminalitetin me të lartë. Gjatë 2020 u rrit kriminaliteti me 15% në Gjirokastër. Gjatë 2020 është vendosur pezullimi i hetimit për 9004 çështje, ulje në krahasim me vitin 2019. Në 2020 rezulton se janë dënuar 8022 persona, kurse 152 të tjerë janë të pafajshëm.
Më Çela ka theksuar se prioritet për vitin 2020 ka qenë lufta kundër pastrimit të parave.
“Lufta kundër pastrimit të parave, ka qenë prioritet në 2020. Synimi ynë ka qenë forcimi i bashkëpunimit ndërinstitucional. Në korrik nënshkruam memorandum për masat administrative për rritjen e efikasitetit. Këto akte evidentojnë progresin e luftës ndaj krimit, gjurmimin, krijuan seksione të veçanta në Prokurori, Drejtoritë e Policisë.”- tha ndër të tjera Çela./Opinion.al
