Në rrëfimin e tij në emisionin “Opinion”, Neritan Ceka është shprehur se duke marrë cilësitë e të gjithë drejtuesve të Shqipërisë në vite, mund të krijohej një drejtues i mirë për vendin. Megjithatë Ceka nuk preferoi të përfshinte mes tyre Edi Ramën, duke u shprehur se ai mund të vlerësohet në taletin për të bërë ndonjë pikturë dhe jo për talent politk.
Pjesë nga biseda në studio
Ceka: Nga të gjithë drejtuesit politikë në Shqipëri, mund të bëj një drejtues duke heq të metat dhe mbajt cilësitë e secilit.
Nëse do kishte taletin politik të Berishës, nëse do kishte vizionin e Nanos, në qoftë se do kishte racionalitetin e Majko-Metës, nëse do kishte gjenerozitetin e Ylli Bufit…Kë kam lënë akoma?
Fevziu: Ramën…
Ceka: E lëmë Ramën po qe e mundur, mjaftojnë këta për të krijuar drejtuesin ideal. Ramës s’i vlerësoj talent politik , vetëm t’i vlerësojmë talentin për të bërë ndonjë pikturë. Do ta fusja në kategorinë e politikanëve të tipit me kulturë, por të paparashikueshën, “njerëz në kërkim të telasheve”. Do t’i bashkoja me Gramoz Pashkon në një tip politikani.
Fevziu: Po pjesa e errët e tyre e secilit prej tyre, kush ka qenë?
Ceka: Nuk kanë menduar kurrë që janë udhëheqës të një pupulli që nga 4 milionë u katandis 2 milionë. Dhe ky këtë s’po kupton, që s’kemi nevojë për fotografi me Trump dhe Biden. Ky është problemi i politikanëve tanë që nuk janë futur në kuadrin e një politikani modest. Të shkojë në zyrë 8:00-16:00, të shkojë me familjn e tij, të dali pa frikë, pa sirena./Opinion.al
