Asnjë politikan apo qeveritar shqiptar nuk është i ftuar zyrtarisht në ceremoninë e inagurimit të presidentit të ri të SHBA.
Burime të Opinion.al konfirmojnë se Lulzim Basha do të jetë i pranishëm në ceremoni pas një ftese të mbërritur nga një disa kongremenë republikanë,ndërsa nga Tirana do të udhëtojnë drejt Uashingtonit edhe Kryetari i Kuvendit Meta dhe socialisti Pandeli Majko.
Pa hyrë në detajet se si e kanë siguruar këtë mundësi,e sigurt është që treshja e politikanëve të njohur do të jenë bashkë për disa ditë në Uashington,gjë që nuk përjashton mundësinë edhe të takimeve apo bisedimeve mes tyre. Edhe herën e shkuar gjatë qëndrimit në ShBA,Meta dhe Basha drekuan me njëri-tjetrin.
Kohët e fundit deklaratat mes zyrtarëve të PS dhe atyre të LSI kanë ndezur zjarrin e mospajtimit të aleatëve të koalicionit të rilindjes,ndërsa vetë Meta jo rrallëherë ka vlerësuar kohën kur LSI qeveriste me PD.
Politika shqiptare ka njohur në disa raste bashkëpunime që kanë lindur në vizita dhe udhëtime të tilla jashtë vendit,ku palët janë jashtë tensionit të politikës së ditës dhe me të qartë për të marrë vendime bashkëpunimi. Ndoshta dhe ceremonia e inagurimit të presidentit Tramp mund të shërbejë për diçka të tillë,edhe pse duket e vështirë pasi në të nuk do të jetë kryetari socialist Edi Rama./ opinion.al
