Ish-sulmuesi i Argjentinës, Carlos Tevez ka folur së fundmi për triumfin e “Albiceleste” në Kupën e Botës. Tevez ka thënë se nuk e ka ndjekur shumë Botërorin e Katarit, ndërsa një nga skuadrat që pëlqente ishte Franca.
Pikërisht Argjentina në finale mposhti Gjelat pas penalltive, me Tevez që tregohet i sinqertë në një rrëfim. Gjithashtu ish-sulmuesi i topklubeve evropiane ka treguar se ende nuk e ka uruar Lionel Messin për trofeun e fituar.
“Botërorin e kam ndjekur shumë pak. Kam ndjekur shpesh Francën, që kishte një ekip të mirë. Messit nuk i kam shkruar ende, pasi telefoni i tij ka shpërthyer nga mesazhet e shumta. Megjithatë më mjafton fakti që fëmijët e mi u bënë të lumtur nga golat e tij”, tha Tevez.
