Bashkëshortja e ish-Presidentit francez Nicolas Sarkozy, Carla Bruni ka qenë e ftuar mbrëmjen e 6 janarit në programin ” Verissimo” në Canale 5. Ajo u shpreh se ndihej shumë e dashuruar me Sarkozy-n.
“Nicolas më mbron dhe më mbështet. Kur njoha fëmijët e tij dhe pashë raportin që ato kishin mes tyre, thash me vete, me këtë burri do martohem. Ai është plot forcë dhe energji” – deklaron ajo.
Përsa i përket pasionit të saj për muzikën Bruni shprehet se albumi tjetër që do të publikohet do të jetë në gjuhën italiane.
Ajo gjithashtu tregon se është shumë e lidhur me familjen e saj, ku më së shumti i mungon vëllai i saj i cili u nda nga jeta pak kohë më parë.
Carla Brunin jemi mësuar shpesh ta shohim nëpër kopertinat e revistave si këngëtare, si Zonjë e parë në periudhën kur bashkëshorti i saj ishte presidenti i Francës dhe si modele e “Versace-s” në vitet ’90.
