Një rrjet çarjesh të thella në koren e Tokës janë zbuluar nën ujërat e detit Jon. Zbulimi i rëndësishëm nga një grup kërkuesish italianë i jep shpjegim edhe distancimit të vazhdueshëm, por të ngadaltë të ishullit të Siçilisë nga Calabria dhe rrezikut të lartë të tërmeteve në zonë.
Sipas ekspertëve këto çarje janë procese jo katastrofike dhe të ngadalta që rikonfirmojnë rreziqet gjeologjike në këtë zonë mesdhetare dhe hapin rrugën studimit të formimit të vargmaleve. Në fakt përgjatë tyre gjendet material i mantelit të Tokës, i ngjitur nga 20 km thellësi, që krijonte bazamentin e oqeanit mesozioik. Këto fraktura janë të thella, shtrihen për dhjetëra kilometra dhe ndajnë blloqet e kores së Tokës që janë në lëvizje të vazhdueshme.
Po ashtu do të kuptohet më tepër rreth materialit të lëngshëm që mbërrin nga shtresat e brendshme të Tokës që arrijnë të ngjiten më sipër në sipërfaqe, duke i dhënë jetë maleve veçanërisht atyre vullkanikë, përfshirë Etnës. Kjo është hera e parë që vërtetohet material i mantelit i ngritur ne sipërfaqe pikërisht mes pllakave tektonike Evropë-Afrikë.
Burimi: Klan Plus
