Një çantë shpine e harruar në parkingun nëntokësor në qendër të Tiranës poshtë sheshit “Skënderbej”, alarmoi policinë e kryeqytetit e cila nisi menjëherë verifikimet.
Për disa minuta zona u rrethua dhe nuk u lejua qarkullimi i mjeteve. Ka qenë roja i parkingut që konstatoi çantën dhe më pas njoftoi uniformat blu.
Këto të fundit, pasi vendosën shiritin rrethues, kqyrën kamerat e sigurisë së parkingut dhe zbuluan se çanta ishte harruar pasditen e 13 Prillit. Policia tha se çanta nuk ishte e dyshimtë, megjithatë do të kryhen verifikimet sipas procedurave. /tvklan.al
