Një nga ngjarjet që ka tërhequr së fundmi vëmendjen e mediave dhe gjithë opinionit publik është arrestimi i të dashurit të prezantueses Vila Spiro.
Në serinë e reagimeve pro dhe kundër saj nuk ka munguar dhe ajo e moderatorit të emisionit “Zonë e Lirë” Arian Çani i cili ka dalë në mbrojtje të Viola Spiros publikisht, duke thënë se është në krah të saj dhe kundër atyre që e përgojojnë.
Përmes një mesazhi në rrjetet sociale Çani shkruan se Viola Spiro nuk ka pse të bëhet objekt i paragjykimeve.
“Viola Spiro nuk e ka hedhur ndonjëherë në publik dashnorin e saj. Ndaj sot nuk ka përse të bëhet objekt i paragjykimeve mediatike. Violën e njof pak, por më është dukur një prezantuese simpatike. Sot jam me Violën dhe jam kundër atyre që e përgojojnë”, shkruan Çani.
