Te Fundit

Cani: 35 kompani ‘u bënë në gropën’ bankave, të falimentojnë


Bëhu pjesë e Grupit Zyrtar të Opinion.al
>> KËTU <<
               Publikuar në : 11:30 - 17/10/15 |
b.f

TIRANË- Ministri i Financave, Shkëlqim Cani thotë në një intervistë për Tv Klan se niveli i lartë i kredive të këqija ka frenuar kreditimin e mëtejshëm nga bankat. Për kompanitë pa shpresë që kanë kredi me probleme, ministri Cani thotë se zgjidhja më e mirë është falimenti. Sakaq sqaron se nuk do të ketë rritje taksash në vitin 2016.

“Shqetësimi më i madh është mosmarrja e kredive të reja për shkak të kredive me probleme”, tha ai. 35 kompani janë ato që kanë rrezikuar bankat për shkak të kredive të këqija. “Ai që ka dale jashtë parametrave siç thotë edhe ligji duhet të shohë falimentin si zgjidhje”, vijoi argumentin ministri.

I pyeur nëse do të ketë rritje taksash në vitin 2016, minisri Cani i bindur tha: “Jo, nuk do të ketë rritje taksash. Jemi dakortësuar edhe me FMN që të ketë rregullime, përshtatje por jo rritje”, tha ai.

Ministri Cani i është përgjigjur edhe ankesave të Dhomës Amerikane të Tregtisë, e cila tha se ashpërsimi i penaliteteve në kuadër të luftës kundër informalitetit do të çojë bizneset në faliment. “Më ke një borxh, do të ma paguash…falimenton apo jo”, ilustroi me shembull ministri.

Në fund të muajit tetor, tha Cani, do të dorëzohet buxheti 2016 i cili do të diskutohet edhe me FMN që pritet të vijë këto ditë në Shqipëri.

KOMENTO (0)

Shkruaj nje koment

    Pas