“Një farë e re e kanabisit ka mbërritur në Shqipëri, nga e cila bima rritet për 45 ditë”. Kështu shkruante Flamur Noka në një letër dërguar Kryeministri Edi Rama në muajin prill të këtij vendi. Deklarata e tij u mohua sot nga Drejtori i Policisë së Shtetit, Haki Çako. Ai doli në një konferencë të përbashkët për shtyp me Guardia di Finanzia, teksa kjo e fundit mbyllte misionin e monitorimit në vendin tonë.
Haki Çako tha se në kuadër të këtij monitorimi janë asgjësuar mbi 2 milionë bimë narkotike. Më tej, ai foli për një bimë të re të kultivuar, e cila kishte një cikël më të shkurtër rritje, nga 18 deri në 45 ditë, e njohur ndryshe si bima vietnameze.
“Gjatë aksionit është evidentuar një bimë narkotike me cikël të shkurtër që rritet nga 18 deri në 45 ditë. Ajo ka zënë 70% të territorit të kultivuar por me efektshmëri të prodhimit më të ulët. Bima vitnameze rezulton të jetë prezente në 70% të plantacioneve të kultivuara. Verifikimi në terren dhe nga ajri i këtyre bimëve bëri të mundur asgjësimin e mbi 2 mijë bimëve narkotike, tha ai.
