Pas vendimit për shtyrjen e hapjes së negociatave për Shqipërinë, ka reaguar ministri i Jashtëm në detyrë, Gent Cakaj.
Ai është shprehur se ishte mungesa e kohës për vendimmarrje dhe jo mospërmbushja e kritereve nga Shqipëria shkaku për shtyrjen e vendimit të negociatave.
Cakaj u shpreh për mediat se shtyrja e vendimammrjes nuk është një lajm inkurajues për Shqipërinë, pasi sipas tij, vendi e kishte merituar hapjen e negociatave që vitin e kaluar.
“Shqipëria nuk mund të përcaktojë axhendën e vendimarrjes së këshillit. Sidoqoftë Shqipëria mund të përmbushë kushtet teknike të paraqitura nga Këshilli. Prandaj duke u mbështetur në zotimin e prerë të Këshillit dhënë sot për një vendim të qartë dhe substancial dhe jo për të diskutuar edhe një herë në tetor, nëse negociatat duhet të hapen ose jo, por në fakt për të marrë një vendim të prerë dhe për ti dhënë kahje procesit të avancimit të mëtejshëm në axhendësn evropiane. Shqipëria mbetet shpresplotë për një vendim pozitiv së largu në tetor. Shpresa jonë nuk do të thotë pritje pasive, por duhet të marrë trajtën e një angazhimi aktiv, për ti paraprirë pozitivisht vendimit të tetorit. Shtyrja e vendimammrjes nuk është një lajm inkurajues për Shqipërinë. Nuk mund të jetë inkurajues sepse Shqipëria ka merituar hapjen e negociatave që vitin e kaluar”,-tha Cakaj./ Opinion.al E.Xh.
