Çaji është konsideruar si një pije e shëndetshme e cila qetëson trupin. Por çaji me fruta përmban acid dhe sipas shkencëtarëve kjo nuk është aspak e mirë për dhëmbët tuaj. Uji i aromatizuar, dhe çajrat me fruta kanë në përbërje acide të cilat dëmtojnë smaltin e dhëmbëve, dhe mund të çojnë deri në humbjen e tyre. Shkencëtarët kanë studiuar dietat e 300 personave, dhe kanë zbuluar se ushqimet apo pijet me përmbajtje të lartë acidi ishin pjesë e tyre, dhe vunë re një problem në rritje me dhëmbët.
Vazhdimisht pirja apo mbajtja e këtyre pijeve në gojë përpara gëlltitjes, rrit rrezikun e erozionit të dhëmbëve. Dr Saoirse O’Toole, nga Instituti i Stomatologjisë në Londër, tha: “Nëse pini diçka për një periudhë të gjatë kohe, më shumë se pesë minuta ose nëse luani me pijet apo ushqimet në gojën tuaj në vend që t’i hani ato – këto janë gjëra që mund të dëmtojnë me të vërtetë dhëmbët tuaj.
