Ndërsa në Kuvend pritej miratimi i ministrave të rinj, parlamentarët demokratë në çadrën e protestës shprehën besim se do të përmbushin qëllimin për qeveri teknike. Paloka foli për fitore pa këputur asnjë lule, ndërsa Sali Berisha tha se fundi i Ramës do të vijë prej rambove shqiptarë, duke i cilëuar si të tillë vajzat dhe djemtë në protestën e opozitës.
Diskutimet e parlamentarëve demokratë në çadër i hapi kryetari i grupit Edi Paloka, i cili, pa dhënë detaje, foli për takime të rëndësishme të kryedemokratit Lulzim Basha në Shtetet e Bashkuara të Amerikës. Nga ana tjetër ai theksoi se protesta e demokratëve do të vazhdojë plotësisht paqësore deri në përmbushjen e qëllimit të saj për qeveri teknike e zgjedhje të lira.
Në një analizë të tij, Aldo Bumçi pohoi se opozita nuk është e vetme në kauzën e sa.
Ndërsa Oerd Bylykbashi fut në të njëjtën shënjestër me po aq bashkëfajësi sa Edi Rama edhe Ilir Metën
Sali Berisha beson se shpresa e qytetarëve është kthyer tek Luzim Basha
Gjatë kësaj jave, Berisha ka deklaruar se Edi Rama do të ketë fatin e Manuel Noriegës, që e quan narkodiktatorin e Panamasë, por me diferencën që largimi nuk do t’i vijë nga ndonjë zbarkim marinsash amerikan në Shqipëri.
E ndërsa mazhoranca në seancë plenare ishte mbledhur për të votuar ministrat e rinj, Berisha tha se Edi Ramën nuk e shpëton dot më askush.
