Kryeministri Edi Rama mëngjesin e sotëm publikoi në rrjetet sociale pamje të shtëpive të rindërtuara në Fushë-Krujë.
Kjo video është shoqëruar me komente nga ana e qytetarëve. Krahas komenteve pozitive nuk kanë munguar dhe ato negative.
Ndërkohë, kryeministri Rama zgjodhi t’i përgjigjej njërit prej tyre që akuzon qeverinë se ka vjedhur fondet për rindërtimin.
“Ça bravo me ça bravo i thoni këtij, apo ça prisnit lekët e botës t’i gllabëronte të gjitha, po normal që do ndërtoje se s’mund t’i vjedhë dot të gjitha se bien shumë në sy ashtu”, thotë komentuesi.
Rama thotë se për fondet që vijnë nga jashtë lekët nuk i jepen qeverisë por, vendet që japin fonde i bëjnë të gjitha vetë, nga projekti te kontratat me kompanitë.
“Nuk ka lekë bote këtu i dashur Enes dhe që të jesh i mirëinformuar, për ato projekte që bota kontribuon për Rindërtimin nuk ia jep lekët qeverisë, po i bën të gjitha vete, projektet, tenderat, kontratat me kompanitë… U kuptuam besoj, kështu që mos u mërzit nga gjërat e mira që bëhen, se për njerëzit janë”, i përgjigjet Rama.
