Në studion e emisionin “Opinion” është diskutuar lidhur me akuzat e SPAK ndaj ish-kryeministrit Sali Berisha për privatizimin e ish-kompleksit sportiv të Partizanit.
Teksa deputeti i PD, Bylykbashi tha se në rastin e Berishës SPAK ka anashkaluar Kushtetutën, juristi Plarent Ndreca thotë se ky qëndrim dëmton pozitën e ish-kryeministrit.
Ndër të tjera juristi Ndreca sqaroi edhe kuptimin e togfjalëshit “heqja e lirisë” që përmendet lidhur me ngjarjen si dhe ku ndryshon ajo me “kufizimin e lirisë”.
“E para mendoj se zoti Bylykbashi duhet të sqarojë pozicionin që ka në kuptimin që në emër të kujt flet. Në këtë kuptim them se je duke e rënduar pozicionin zotit Berisha, sepse je duke i prishur procesin e mbrojtjes sepse nëse përdor një logo për të goditur nje vendim gjykate kam përshtypjen që po e rëndon poztiën e zotit Berisha dhe mund të jetë një shkak që neesër të kërkohet një masë tjetër. Nëse mbahet politikisht çështja, nëse është avokati ka të drejtën të flasë. E para ka një diskutim. Nuk po them mba një qëndrim të ndryshëm po ka një diskutim mbi një tog fjalësh që përmendet që është “heqja e lirisë”. ‘Heqja e lirisë’ dhe ‘kufizimi i lirisë’ jan gjëra jot ë njejta dhe këtë e ndan edhe gjykata e Strasburgut kur merr në shqyrtim çështje ku thotë se neni pesë ka lidhje me heqjen e lirisë ndërsa dyshi ka lidhje me kufizimin e lirisë. Kufizim lirie është kur ne na u ndalu në kohën e Covidit për të lëvizur. Ky është kufizim administrativ. Ka koncepte të ndryshme, megjithatë kjo nuk i jep të drejtë askujt të kundërshtojë një vendim gjykate. Nuk besoj se zoti Berisha ka një qëndrim ndryshe nga qytetarët shqiptar që sot dhe përdit janë duke respektuar vendimet e gjykatës”,-tha Ndreca.
Ndërkohë i pyetur nga drejtuesi i emisionit Blendi Fevziu se çfarë ndodh nëse Berisha nuk paraqitet nesër në gjykatë Ndreca u shpreh: Zhvillohet në mungesë dhe mund të caktohet një avokat kryesisht. Patjetër, nuk mund të zhvillohet pa avokat apo pa personin nën hetim.
