Oerd Bylykbashi, nënkryetari i Komisionit të Posaçëm të Reformës në Drejtësi reagoi mbi nenin e ligjit të Strukturës së Posaçme Anti Korrupsion, që dënon gazetarët.
Bylykbashi ka shtuar se, opozita do ta kundërshtojë këtë nen, duke e konsideruar si një tentativë të re të mazhorancës për ti mbyllur gojën medias.
Deklarata e plotë
Vesi del me shpirtin thone…
Kjo mazhorancë e ka tmerr lirinë e medias, si eterit e 1944 që i frymëzojnë. Para tre ditësh sollën në komision ligjin për Prokurorinë Speciale të cilin e kishin hartuar në errësirë të plotë, me të cilin media dënohej nëse tentonte të bënte transparencë, duke e quajtur “ndikim të papërshtatshëm”! Opozita dhe media e denoncoi menjëherë. Ai nen nuk kalon!
Por këta nuk heqin dorë nga kërcënimi mbi median! Mesa duket, të njëjtin kërcënim e kanë futur tek ligji i Prokurorisë së zakonshme; ligj tjetër ky. Edhe këtë e kanë gatuar të vetëm në komision kur u mblodhën para miratimit të amendamenteve kushtetuese, atëherë kur opozita nuk ishte e pranishme. Si çdo gjë tinzare, edhe kjo është bërë në fshehtësi.
Ky nen i ri qe vret lirinë e medias nuk ka asnjë shans (as teorik) të kalojë! Opozita do ta kundërshtojë këtë tentative të re mazhorancës!
