I ashpër është treguar gazetari Berat Buzhala, lidhur me kryeministrin Kurti dhe qëndrimin e tij në tryezën e Ohrit.
Duke ju referuar deklaratave të bëra në këtë kontekst, Buzhala tha se në takim është biseduar për asosacionin dhe se tashmë, Albin Kurti e ka pranuar atë për të cilën gjatë fushatës së tij elektorale ka thënë se nuk do ta pranonte.
“Asosacioni i ka 10 vendbanime serbe. 10 komuna. Ato kerkojnë asosacion. Albin Kurti ka thënë: Kur të bëhet Zajednica atëherë kryetari i Zajednicës do të jetë në komunikim me Putinin. Kur ka dash me tmerru popullin e Kosovës ka përdorur Zajednicën”, tha Buzhala duke shpjeguar më tej konceptin e asosacionit.
“Asosacion do të thotë parlament më vete, vendimmarrje në disa sektorë si për arsim, shëndetësi, për taksat dhe do të kenë komunikim me Beogradin. E kanë të drejtë gjithashtu të emërojnë komandantin e policisë”, tha Buzhala, ndërsa shtoi se Kurti po gënjen. “Ky po gënjen. Është gënjeshtari më i madh në Ballkan. Kurti ka bërë fushatë duke thënë: Kurrë nuk do të bëj marrëveshje me Serbinë. Kur ka fituar ka thënë, dialogu është prioritet numër 7 dhe 8. Dy vite me dialog po merret.
Amvbasadori Amerikan kur doli nga takimi tha: Isha me Kurtin duke biseduar për asosacionin”, u shpreh Buzhala.
Gazetari deklaroi se veprimet e ndërkombëtarëve janë nxitur nga qëndrimet e Kurtit që paralajmëronte luftë.
“Shpallja e luftës, kur Kurti tha jemi në prag të luftës e shtyu bashkësinë ndërkombëtare me u nxitu në një marrëveshje, që nuk është finale. Ku është njohja? Është Zajednica në qendër, sepse bashkësia ndërkombëtare u frikësua aq shumë. Serbia ka marr përgjegjësi pasive. Është zotuar se nuk do të lobojë kundër Kosovës. Ne kemi marr përgjegjësi aktive. Ne do ta themelojmë asosacionin”, tha Buzhala./Opinion.al
