Nderkohe qe neser cmimi rritet 33% …
—
Nga Besnik Aliaj
Nga neser cmimi i biletes se transportit publik ne Tirane rritet me 1/3 e cmimit aktual (33%). Kjo rritje ne pamje te pare dikujt mund t’i duket ‘pak’, sepse nga 30 leke cmimi behet 40 leke per cdo rruge. Mirepo kur shikon cmimin e abonese mujore qe nga 1,200 leke ne muaj behet 1,600 leke (te reja) ne muaj, kupton se rritja eshte ndjeshme, sidomos per njerezit ne nevoje: te varferit, pensionistet, invalided, te papunet, jetimet, studentet dhe te rinjte ne shkolla.
E gjitha kjo ndodh kur nuk ka asnje rritje ose indeksim pagash ose pensionesh nga qeveria, dhe kur rreth 60% e popullsise ne vend ka probleme serioze ekonomike, madje gjysma e ketyre jetojne madje nen nivelin e varferise. Keto kategori sociale, qe per fat te keq jane edhe perdoruesit kryesore te ketij sistemi deri me sot, nga neser e tutje do te kene veshtiresi serioze te perdorin kete transport si me pare. Ky vendim ose do t’a beje jeten e ketyre njerezve akoma me te veshtire, ose do t’i detyroje ata qe ne mungese te alternativave te ligjshme e te perballueshme te hyjne ne zgjidhje informale me punonjesit e transportit publik. Dhe kete s’ka ushtri e polici t’a ndale …
Kjo mase anti-sociale ndodh jo vetem ne nje kohe shtrengimi ekonomik, por edhe ne nje situate kur infrastruktura fizike rrugore dhe ajo e mjeteve te transportit publik, nuk ka njohur asnje permiresim konkret qe te justifikoje rritjen e ndjeshme ne fjale. Do te jete e njejta cilesi autobuzash, e njejta pasterti, e njejta arome, e njejta ngarkese dhe e njejta moskorrketese kohore. Ajo qe do jete ndryshe do te jete vetem cmimi dhe trafiku vrastar ne rritje ne rruge.
Nderkohe problemet ne rritje te trafikut ne Tirane keto muajt e fundit deshmojne pikerisht per mungesen totale te politikave te transportit publik. Ato konfirmojne masat krejtesisht te gabuara qe jane marre kohet e fundit, duke e perplasur trafikun ne nyjet dhe rreth-rrotullimet kryesore te qytetit. Trafiku sot ne hyrje te rruges se Elbasanit dhe te Durresit po njeh cdo dite bllokim vrastar, ndaj edhe sikur transporti publik neser te jete super-preciz, gjasat qe te kete permiresime performance dhe punktualiteti jane te pamundura. Per me teper qe nuk shohim asnje mase te re apo politike ndryshe transporti publik qe te na jape shprese per permiresim. Ne te kundert bashkia synon qe edhe ato 11 lulishte te fundit qe kane mbetur ne qender te qytetit (pas ndertimit te lubive shumekateshe) t’i ktheje ne parkime per “qoka e miq”, duke shkaterruar perfundimisht cdo kualitet mjedisor, dhe duke inkurajuar me shume trafik ne qender.
Shto ketu futjen ne harrese te plote te unazes dhe akseve te tjera te reja, gje qe do t’a nxjerre perfundimisht transportin publik ne Tirane jashte loje. Dhe ne fund me te ndeshkuarit do te jene pikerisht njerezit ne nevoje. …
Tashme ne hyrje te Tiranes – pervec parrullave demagogjike si njehere e nje kohe per “lufte dhembe per dhembe me zhulin” – te nxihet jeta dhe te acarohen nervat ne kulm nga bllokimi evident qe sa vjen e rritet pikerisht nga mungesa e vizionit per transportit publik, dhe nga fokusimi vetem tek nderhyrjet e tipit ‘buzekuq’. Situata eshte perkeqesuar me tej edhe nga konceptet e gabuara te marra 3-4 muajt e fundit te cilat ne vend qe te fokusohen tek humanizimi i qytetit dhe qarkullimit, harxhojne energji per masa shtrenguese-ndeshkuese pa dhene me pare asnje alternative.
Dhe ne fakt administrata e Bashkise konfirmon vizionin e saj se, pervec rritjes se cmimit, e pret permiresimin e ketij sherbimi pikerisht duke rritur masat shtrenguese ndaj abuzimit dhe moskorrekteses, dhe duke veshur punonjesit me bluza fosforeshente. Per hir te vertetes fillimisht ja kane dale me sukses qe cdo “resident ose jo” ne Tirane, te mos gjeje me asnje parkim nen 150-200 leke ora, dhe ku e vetmja gje qe ka ndryshuar eshte se ata qe mbledhin leket tashme kane gjithashtu bluza fosforeshente …
