Presidenti Ilir Meta ka shpjeguar një nga arsyet pse ka kthyer për rishikim në Kuvend buxhetin për vitin 2021 që ka të bëjë me mbrojtjen e biznesit.
Nëpërmjet një postim në llogarinë e tij në “Facebook”, Meta shpjegon se buxheti i ri nuk ka asnjë plan për mbrojtjen e biznesit nga pasojat e Covid-19, i cili po përballet me taksa të larta dhe nuk është lehtësuar për të përballuar koston e energjisë dhe ujit.
“Buxheti 2021 nuk ka një plan të qartë për mbrojtjen e biznesit nga pasojat e Covid-19. biznesi i vogël, është rënduar nga taksa dhe tarifa të larta dhe nuk është lehtësuar për të përballuar: Koston e energjisë elektrike, të ujit dhe shërbimeve të tjera, koston e pagesës së qirasë së ambienteve”, shkruan Presidenti Meta./Opinion.al
