Ditën e sotme Komisioni i Ekonomisë dhe Financave ka rrëzuar dekretin e presidentit Ilir Meta për buxhetin e vitit të ardhshëm.
Presidenti e ktheu “buxhetin 2021” pak ditë më parë, duke argumentuar se nuk ishte parashikuar mbështetje e mjaftueshme financiare për qytetarët dhe sistemin shëndetësor, ndërkohë që projeksionet ndërkombëtare paralajmërojnë përkeqësim të situatës COVID-19.
Por, sipas relatorit të buxhetit financat shqiptare janë në krizë për shkak të pandemisë dhe parashikimet për shpenzime janë më realistet. “Buxheti 2021” do të kalojë për votim në Parlament në seancën e të enjtes.
