Qeveria e Japonisë ka miratuar për të nëntin vit radhazi rritjen e buxhetit të mbrojtjes së vendit.
Synimi i këtij buxheti të akorduar është zhvillimi i raketave me rreze të gjatë dhe luftëtarëve të fshehtë që të jenë të përgatitur ndaj kërcënimeve të mundshme nga Kina dhe Koreja e Veriut.
Mësohet se për vitin 2021 Japonia ka akorduar një buxheti rekord prej 51.7 miliardë dollarë. Kjo parashikon një rritje prej 1.1% mbi buxhetin e vitit aktual dhe është buxheti i parë nën drejtimin e kryeministrit Yoshihide Suga. Pritet që ky projektbuxhet të dërgohet për miratim në parlament.
Nga akordimet mendohet se një pjesë e madhe e buxhetit shkon për të forcuar aftësinë raketore të Japonisë, duke përfshirë 324 milionë dollarë për të zhvilluar raketa me anije me rreze të gjatë që mund të aktivizohen nga luftanijet ose avionët luftarakë, si dhe 144 milionë dollar për të blerë raketa JSM për avionët luftarakë F-35.
Kjo është pjesë e planit të ri i cili pritet të lejojë Japoninë të zgjerojë vendosjen e raketave në zona të ndryshme duke përfshirë ishujt që kontrollon në Detin e Kinës Lindore të cilat pretendohen gjithashtu nga Pekini./Opinion.al
