Deputeti i PD, Agron Shehaj në interpelancën e kërkuar me ministren e Turizmit Mirela Kumbaro, ka folur për çështjen e Parkut Kombëtar të Butrintit.
Gjatë fjalës së tij, Shehaj tha se pas resortit që pritet të ndërtohet në këtë zonë, fshihen të afërm të Sekretarit të Përgjithshëm të PS, Damian Gjiknuri.
““Alb Star” ka marrë qindra miliona euro tendera. A ishit në dijeni ju ministre se pas resortit fshiheshin të afërm të Sekretarit të Përgjithshëm të PS, Gjiknurit. A keni pasur komunikim për Agjencinë Kombëtare të Zonave të Mbrojtura”,-tha Shehaj.
Ndërsa ministrja Kumbaro i është përgjigjur Shehaj duke thënë se ai po përgojon një biznesmen që po bën punën e tij.
“Kam pasur respekt për profilin tuaj si biznesmen i suksesshme dhe e itenerarin tuaj e kam ndjekur me respekt. Por ju sot po përgojoni biznesmenë që bëjnë punë. Unë jam ministre Turizmit dhe jo më e Kulturës siç tha më parë edhe Tabaku”,-tha Kumbaro.
