Deputetja Ina Zhupa, ka folur në lidhje me çështjen e Butrintit, pak minuta para nisjes së seancës parlamentare.
Gjatë fjalës së saj për mediat, ajo u shpreh se presin drejtësi nga Gjykata Kushtetuese.
Ajo tha se do të mbahet sot një protestë për mbrojtjen e trashëgimisë sonë kulturore.
“Qeveria shqiptare pasi e fshehu u përpoq që ta zhvleftësonte këtë gjë, pasi tha se Unesco s’ka rëndësi për Shqipërinë. Unë nuk e kuptoj se një qeveri të mbajë qëndrim që OKB apo fondet e UNESCO-s nuk kanë rëndësi. Kjo tregon se ata janë të zhytur thellë në këtë shkelje. Kuvendi ka sjellë në gjykatën kushtetuese copy paste paragrafët e koncensionarit.
Ata sollën modelin që Klodian Zoto shkruante ato e-mailet nga zyra e tij dhe ia çonin Kuvendit për çështjen e inceneratorëve. Sot presim drejtësi nga Kushtetuesja. Sot në orën 3 e 30 me orën amerikane në New York një protestë për mbrojtjen e trashëgimisë sonë kulturore”, tha ajo./Opinion.al
