Busti i Skënderbeut është bërë mollë sherri mes Bashkisë së Lezhës dhe pushtetit qendror. Një ditë para vendosjes së këtij busti, IKMT ka ndërhyrë duke prishur bazamentin, pasi Bashkia e Lezhës nuk kishte marrë leje tek Instituti i Monumenteve pranë Ministrisë së Kulturës.
Busti ishte parashikuar që të vendosej më 2 mars, në ceremoninë shtetërore për të përkujtuar Besëlidhjen e Lezhës të vitit 1444. Pas kësaj prishjeje, ceremonia përkujtimore do të bojkotohet nga pushtetit vendor dhe nuk dihet se si do të veprohet me aktivitetet e tjera që ka parashikuar të zhvillojë. Gjithashtu, nuk ka ende një informacion se ku do të vendoset bazamenti i ligjshëm./Opinion.al
