Dhuna në familje po kthehet vertet në një problem serioz. Rasti fundit raportohet sot në Tiranë. Një grua ka pirë një grusht ilaçesh dhe ndodhet në spital, pasi ishte e kërcënuar edhe përtej hekurave nga burri.
Policia tha se Dëfrim P. 36 vjeç është i dënuar me dy vite burg për dhunë në familje, në tetor të këtij viti, por vazhdon ta dhunojë psikologjiksht gruan e tij.
Më 5 nëntor shtetësja O. P., 31 vjeçe ka denoncuar në polici se burri në mënyrë të vazhdueshme ka ushtruar dhunë psikologjike nëpërmjet telefonit, duke e shtyrë këtë të fundit drejt aktit të vetëhelmimit me medikamente gjumi. Gruaja ka marrë ndihmën e nevojshme mjekësore në S.Q.U.T. dhe ndodhet jasht rrezikut për jetën.
“Materialet i’u referuan Prokurorisë pranë Gjykatës së Shkallës së Parë Tiranë, pë veprën penale “Dhunë në familje”, parashikuar nga Neni 130/1/a i Kodit Penal”, tha policia e Tiranës në një njoftim për mediat.
