Quhet Mbah Gotho, jeton në Xhakarta Indonezi dhe është 145 vjeç. Ai është njeriu më i vjetër në botë, i cili ka lindur në 31 dhjetor 1870.
Mbah Gotho ka parë të largohen nga kjo botë njerëzit më të dashur, 10 vëllezërit, katër gratë dhe katër fëmijët e tij. Sipas 145vjeçarit, sekreti i të jetuarit kaq gjatë është:
“Të kesh shumë durim”. Mbah Gotho thotë se kishte filluar të mendonte për vdekjen në vitin 1992, madje kishte bërë gati edhe varrin. Por që atëherë kanë kaluar plot 24 vjet.
Tashmë shëndeti i tij nuk është më i njëjti. Ai ecën ngadalë, është kërrusur dhe shikimi i është dobësuar.
Deri tani, njeriu më i vjetër në botë konsiderohej francezja Jeanne Calment, e cila humbi jetën në vitin 1997 në moshën 122 vjeçare.
