Burrin e gazetares Fatma Haxhialiu e kanë sulmuar qentë e rrugës, pas kësaj gazetarja ka reaguar ashpër në një status në faqen e saj në Instagram dy ditë më parë kur edhe ndodhi ngjarja.
Por pasditen e sotme Fatma ka qenë e ftuar tek “Rudina” ku përveç se ka treguar çfarë ndodhi, ajo ka debatuar edhe me aktivistin Ariel Vasili.
Fatma Haxhialiu, e cila ka bërë publik rastin që në afërsi të “21 Dhjetorit” bashkëshorti i saj që është veteriner është sulmuar dhe kafshuar nga qentë e rrugës. Të ftuar në studio për të diskutuar ishin po ashtu edhe gazetari Gentian Minga dhe vullnetari i ARsA Ariel Vasili.
“Rasti i bashkëshortit tim të cilin unë e bëra publik nuk është rasti i parë, ka patur edhe dy kafshime të tjera në lagjen tonë. Një fëmije të vogël iu sulën një tufë qensh dhe arriti të shpëtojë pasi hipi në një gardh rrethues dhe ka qëndruar aty derisa njerëz të tjerë e kanë shpëtuar, por ka pasur dhe raste të tjera me fëmijë. Pas rastit të bashkëshortit vendosa të reagoja sepse në radhë të parë duhet siguria e njerëzve dhe këto qen që janë problematikë të merren dhe të rehabilitohen. Më duket e paarsyeshme që në 2018-ën të rrezikohem nga tufa qensh në mes të rrugës”, tha Haxhialiu.
Gjatë emisionit gazetarja u përplas me Vasilin, i cili akuzon se mënyra e kapjes së qenve për t’i larguar nga qyteti nuk është e duhura, por sipas tij duhet të mësohemi të bashkëjetojmë me ta.
Ndërkohë veterinerët thonë: Nëse ne do t’i mësojmë t’i keqtrajtojmë qentë me siguri mbrapsh do të marrim agresivitet. /opinion.al
Më poshtë reagimi i Fatmës në Instagram:
