Burgu i Recit në Malësi të Madhe (Shkodër) është inauguruar më 2 Gusht nga Ministrja e Drejtësisë Etilda Gjonaj dhe ambasadorja në largim e BE, Romana Vlahutin. Për të është folur e shkruar shpesh, dhe pritej prej 1 viti çelja e tij. Është cilësuar si burgu i VIP-ave për shkak se është ndërtuar me standarte të larta. Instititucioni më i ri i vuajtjes së dënimit në vend ka kushtuar mbi 14 milionë euro, 10 milionë i ka financuar BE dhe rreth 4 milionë qeveria jonë. Ai ka një kapacitet prej 780 të dënuarish dhe të paraburgosurish dhe shtrihet në një hapësirë të gjerë prej 30 hektarësh.
“Burgu i ri në Reç të qarkut Shkodër plotëson të gjitha kushtet dhe standardet e trajtimit të personave të paraburgosur dhe të dënuar. Ato i përafrohen standardeve të Bashkimit Evropian, në lidhje me akomodimin, sistemet e ngrohjes, regjimin e aktiviteteve ditore, aktiviteteve sociale, kulturore, edukimit, si dhe atyre sportive etj”, tha ministrja.
Gjithashtu ky institucion ka në dispozicion ambiente për reparte pune për punësimin e të burgosurve, kushte bashkëkohore të kuzhinës, lavanderisë, ambiente të kujdesit shëndetësor, si ndihma e shpejtë, urgjencë, farmaci, etj.
Përveç qelive normale, burgu ka edhe dhoma me luks, ku zakonisht shkojnë politikanë, ushtarakë apo zyrtarë të rëndësishëm. Burgu ka hapësira të shumta për kohën e lirë që nga fushat e futbollit, sallat e bilardos, pingpongut si dhe palestrën e lojrave me dorë, si dhe ambinte të posacme për ushtrimin e riteve fetare sipas përkatësive të të burgosueve.
Burgu do të ketë një seksion të sigurisë e lartë dhe një tjetër të sigurisë së zakonshme. Ky burg do të shërbejë në të njëjtën kohë për të shfryrë institucionet e tjera të vuajtjes së dënimit, që janë të mbipopulluara me të burgosur. Ndërsa në të do të vendosen edhe të ekstraduarit e dënuar për vepra të rënda, tha Gjonaj.
