Dënohet me 14 muaj burg shqiptari Patjon Velku në Angli, pasi akuzohet për prodhim dhe rritje të bimëve narkotike.
Shqiptari thuhet se ishte i punësuar për t’u kujdesur për një plantacion të madh me kanabis në një shtëpi në Telford. Patjon Velku u gjend në pronën në Watling Street në qershor të këtij viti, ku policia zbuloi pothuajse 300 bimë të kultivuara. Brenda kësaj banese, ku jetonte dhe punonte shqiptari, katër dhoma ishin përshtatur si një fabrikë e rritjes dhe përpunimit të kanabisit.
Vendimi për shqiptarin u dha nga gjykata Shrewsbury Croën të premten. Velku u dënua me 14 muaj burg pasi pranoi se ishte pajtuar për t’u kujdesur për prodhimin dhe rritjen e kanabisit. Velku gjithashtu kishte hyrë në Mbretërinë e Bashkuar në mënyrë të paligjshme dhe pritet të dëbohet në Shqipëri në fund të dënimit të tij.
Velku i tha policisë se ai kishte shkuar tek ajo banesë vetëm për tri ditë pasi ishte rekrutuar nga një person që e quajti si “një burrë i madh” dhe duhej të paguhej 60 £ në ditë. Megjithatë, ky person i paidentifikuar sipas shqiptarit i kishte lënë disa ushqime dhe vetëm £ 40 dhe e kishte kercenuaar se jeta e tij ishte ne rrezik nese do përpiqej të largohej.
