Tre shqiptarë në Holandë janë dënuar me burg me akuzën e shfrytëzimit të prostitucionit.
Gjykata e Amsterdamit ka dënuar dy prej tyre me nga katër vjet e gjysmë burg, ndërsa i treti me tre vjet e nëntë muaj për të njëjtën akuzë.
Sipas hetimeve, shqiptarët kishin mashtruar një grup vajzash nga çekia dhe i shfrytëzonin për prostitucion.
Ata thuhet se merrnin nga 100 euro për çdo vajzë.
Policia sekuestroi pesë makina nën pronësi të shqiptarëve dhe 30 mijë euro.
Sipas prokurorisë, numërohen të paktën 13 viktima të këtij rrjeti prostitucioni. Por si funksiononte grupi?
Shqiptarët arrinin të joshnin femra në nevojë me origjinë çeke.
Pasi krijonin një lidhje intime të rreme me to, ata i trafikonin dhe i shfrytëzonin për prostitucion.
