Gjykata ka vendosur masën e sigurisë “Arrest me burg”, për të arrestuarit për grabitjen e e një shume prej 13 milion lekësh të rinj në postën e Krujës.
Si autorët kësaj ngjarje,ranë në pranga Gazmir Saka, Andi Rexhepi, dhe Mark Caka. Policia arrestoi dhe rojen e postës Besnik Parruca. Autorët e kësaj grabitje u arrestuan, pak ditë pas grabitjes, në kuadër të operacionit të koduar “Filiali”
Përveç një pjese të lekëve, policia sekuestroi edhe 3 armë zjarri me silenciatorë, minë me telekomandë, dy automjete e prova të tjera të vlefshme që shërbejnë për hetimin.
Gazmir Saka është person me precedent kriminal në fushën e vjedhjes me armë të pronës dhe në fushën e narkotikëve. Gjithashtu, me precedentë në fushën e krimeve ndaj personit e pronës është edhe shtetasi Andi Rexhepi, i njohur me pseudonimin “Rrem Paturri”. Policia shprehet se këta persona kanë bërë një sëri grabitjesh me armë në zonat, Kavajë, Durrës, Vorë, Kamzë, Laç e Mirditë./ Opinion.al
