Gjykata e Tiranës ka caktuar masën e sigurisë “arrest me burg” për katër autorët që grabitën me dhunë kambistin Agron Shira.
Po ashtu, prokurori ka zbardhur dhe dëshminë e një prej autorëve, Elvis Tafës. 35-vjeçari Tafa, ka rrëfyer se si u realizua grabitja ndaj kambistit.
35-vjeçari ka pranuar që për grabitjen bashkëpunoi dhe me Xhoni Didon, i cili sipas Tafës, ka qenë Dido që e qëlloi me levë Agron Shiran.
“Te premten dola nga shtëpia ne 05:00 dhe shkova takova Xhoni Didon tek “Kthesa e Kamzës. Atje kemi ndërruar rrobat dhe përmes një motori të Xhonit kemi shkuar tek 9-kateshet. Disa ditë më parë Xhoni me kishte treguar për vendin dhe personin që do të grabisnim. Kur mberritëm tek vendi kemi ndaluar motorin dhe kemi bërë sikur po i rregullonim gomën. Pas 20 minutash aty po kalonte kambisti me motor. Xhoni i ra me levë dhe ai ra nga motori.
Pasi i mori lekët hipëm në motor, ku i jepja unë dhe u drejtuam nga rruga e Barrikadave. Tek kryqëzimi pashe një makine policie dhe desha të devijoj, por Xhoni më tha të ecja drejt.
Meqë nuk iu binda ai me qëlloi me levë dhe kam humbur ekuilibrin duke rënë nga motori. Ai u largua me lekët.
Për të kryer vjedhjen na kanë shtyrë Elvis Berisha dhe Blenard Hoxha, te cilëve u kishim boxhe”, mbyllet rrëfimi i 35-vjeçarit Elvis Tafa.
Gjykata e Tiranës, caktoi “arrest në burg” pa afat për grabitësit e kambistit, Agron Shira, Elvis tafa, Elvis Berisha, Blenard Hoxha dhe Xhoni Dibo./ Opinion.al E.Xh.
