Numri i pasagjerëve në Aeroportin Ndërkombëtar të Tiranës Nënë Tereza u rrit me +80% në datat 9 – 15 Gusht.
Shifrat janë publikuar nga kryeministri Rama në Facebook duke iu referuar agjencisë evropiane te aviacionit civil Eurocontrol.
Rama shkruan “ja dhe Shqipëria turistike e para në Europë për rritjen e fluksit të fluturimeve, e pa hapur ende Aeroportin e ri Ndërkombëtar të Vlorës”.
Sipas Ramës kthesa e madhe ka kohë që ka nisur, po ky është viti fantastik i shfaqjes së saj në sytë e të gjithëve, si fakt i pamohueshëm i përpjekes së gjithanshme të gjithë këtyre viteve, duke u nisur nga vrima e fundit e kavallit.
Në vend të dyte renditet Armenia, Gjeorgjia, Bosnje Hercegovina e pasuar nga Greqia. Vetëm gjatë shtatë muajve të parë të 2023 u regjistruan në 3.7 milionë, nga 2.7 milionë pasagjerë të regjistruar gjatë periudhës së njëjtë në 2022.
Vetëm në Korrik, numri i pasagjerëve u rrit me 37%.
Në aeroport presin qe të shërbejnë rreth 900,000 pasagjerë deri në fund të muajit Gusht, një rritje prej 32% krahasuar me të njëjtin muaj të vitit 2022.
Aeroporti Ndërkombëtar i Tiranës Nënë Tereza ka trajtuar rreth 5 milionë pasagjerë në vitin 2022, tha koncesionari./tvklan
