Disa ditë më parë, një 32-vjeçar me profesion elektricist humbi jetën në krye të detyrës në fshatin Kovashicë të Bulqizës.
Gjatë punës, elektricisti Ylli Boba, 32 vjeç, ra në kontakt me energjinë elektrike dhe për pasojë ka humbur jetën.
Ndërsa familjarë e tij kanë kërkuar që të zbardhet ngjarja, se si 32-vjeçari humbi jetën gjatë procesit të punës.
Në një deklaratë për mediat, ata bënë thirrje për një hetim të plotë nga institucionet e drejtësisë për të zbardhur rrethanat e ngjarjes, duke argumentuar se mund të ketë pasur shkelje të procedurave të sigurisë në vendin e punës.
Ata pretendojnë se gjatë kohës që po punohej për riparimin e defektit nuk është ndërprerë energjia. Gjithashtu familjarët e elektricistit kërkojnë që kjo ngjarje të shërbej për përmirësimin e kushteve të punës, pasi nuk kanë edhe mjetet më elementare.
32-vjeçari, Ylli Boba humbi jetën gjatë punës në një kabinë elektrike në fshatin Kovashicë të Shupenzës, më 31 Janar të këtij viti. Dyshohet se ai ra në kontakt me rrymën elektrike dhe humbi jetën në vend.
