Deputeti i Partisë Demokratike, Saimir Korreshi ka folur në seancën e sotme plenare për çështjen e bujqësisë, fermerëve dhe problemet me të cilat ata përballen.
Nga foltorja e Kuvendit, Korreshi ka thënë me ironi se përfaqësues të PS kanë shkuar dhe kanë takuar fermerët, por kanë bërë vetëm “selfie” dhe nuk janë interesuar për problemet e tyre.
Ai thotë se bujqësia është në ditën e saj më të zezë dhe fton çdokënd të dalë të shikojë situatën.
“Mirë do ishte mos të kishin vajtur ata (fermerë) të PS, të kishin dalë dhe nga anët tona, se ka njerëz që jetojnë në këtë shtet dhe që nuk janë nga PS. Ka tre ditë që fermerët dalin në arë për selfie dhe nuk vaditet toka. Prapë se prapë nuk po i shesin dot, dhe grurin dhe misrin. O na tregoni si ndodh që kur bën selfie të ecë situata, ose nuk kemi gjë në terezi. Akoma grurin e kemi nëpër magazinë, nuk është shitur sepse duhet të pyesni sa është kuintali. Iku gruri erdhi misri… Pyesin nga Lushnja, ore kush i mori këto subvencionet?
Pse u ndanë tollonat e naftës vetëm një ditë para zgjedhjeve, ka dhe një kallëzim nga unë për këtë? Verifikojeni! Bujqësia është në ditën e saj më të zezë. U ftoj të dilni një ditë me mua që të shikoni situatën.
Dhe këta që marrin këto subvencionet, janë të gjithë nga Tirana. si ka mundësi që se fiton një lushnjar. edhe një shqetësim kishte nga Lushnja, për ministrin e Lushnjes (i referohet Taulant Ballës), inshallah policinë nuk na e vini… se ne jemi si të trembur vetë, ne nga Lushnja, nuk ka nevojë të na bërtisni me policë nëpër rrugë”, tha ai./Opinion.al
