Kreu i Partisë Demokratike, Lulzim Basha ka reaguar pas lajimit se Banka e Shqipërisë do të shtyjë me tre muaj pagesën e kësteve të kredisë për bizneset dhe individët.
Basha përshëndet vendimin e BSH dhe cilëson se kjo është një nga masat e propozuara nga PD.
Ai shton se në këtë kohë krize qeveria nuk duhet të ketë kompleks në zbatimin e masave ekonomike dhe sociale të propozuara nga PD.
“Përshëndes Bankën e Shqipërisë për vendimin e pezullimit të pagesës së kredive, që është një nga masat e propozuara nga PD. Është e domosdoshme në këtë situatë të jemi pranë qytetarëve, operatorëve ekonomikë e sidomos biznesit të vogël!
Situata emergjente kërkon masa emergjente! Ftoj qeverinë që në këtë kohë krize të mos ketë asnjë kompleks të zbatimit të masave ekonomike dhe sociale të propozuara nga PD por të veprojë pa humbur kohë dhe të adoptojë këto masa për hir të të gjithë shqiptarëve. Koha nuk pret!“, shkruan Basha në Twitter. /Opinion.al
